| 
唉 今晚真係好羞家呢
真係好廢
教條數都教唔到
丫!!!!!!!!!!!!!!!!!!!!!!!!!!!!!!!!!!!!!!!好唔開心!!!!!!!!!
未試過咁瘀咁難受 唉
|
| |
| 丫! 近來的潔殷真的有很大轉變....
真是無微不至...對我呵護有嘉...
完全感到你對我的付出...
今晚聽到佢新的戀愛價值觀....
實大為感動......
同潔殷一齊真係好開心....好幸福
能與你一起真的感恩!
YEAH!!!!!!多謝上帝!!!
|
| |
| 近來胃長期唔舒服 消化力好弱
即使晚黑都唔多掂
番工真係有種無形壓力
屋企近派又令我喘不過氣
再加上.........
都係令我身體出現問題的元兇
不過而家衣一刻...感覺好好 .........
因為今晚同阿俊吹水
笑足全晚 好放鬆 哈
大家要笑多d呀! 任何事總有它"可笑"的一面!
|
| |
| 今日二家姐、DUNCAN同亮仔一齊黎!
LUNCH請我去珊瑚堡食飯
夜晚再留底食飯
預左阿爸借此喧洩
幸而DUNCAN與二家姐你一句我一句
阿爸聽下講下 慢慢從怒氣中冷靜下來
從討論中 阿爸知道我仍未受浸
可能因為咁 係佢角度我仍未進教
見佢地傾完 好明顯阿爸有種放下重擔既感覺
雖然佢地並沒有把阿爸游說至改變宗教思想
但已完全平伏了他
所以係度好多謝二家姐與DUNCAN
亦都多謝弟兄姊妹在事件中對我的關懷與支持
感謝你們
無論我作咩決定 都最希望見到阿爸安慰
往後我仍會堅持 又唔知下次會是如何境況
|
| |
| 阿爸搜我個袋
搵左宗教刊物
唉 發左癲
嬲得緊要
又一次叫我脫離關係 立刻離開這個家
話我反骨背祖背宗叫我去死
好狼既佢 其實自己有D習慣
都禁住自己唔駁嘴
唔想再將事件放大
食飯聽佢講當加送
睇電視當多位旁白
當佢透明
因為我講咩都只會刺激佢
除左我話放棄基督
繼續唔理佢 入房無關門用電腦
聽到佢係咁講野
唉 之後先知道
原來佢打左比錢錢阿媽
對唔住呀 我無諗過阿爸會打比佢
對唔住呀 真係對阿錢你地唔住
打完聽到佢黎我房門 把聲更壯
原來佢從錢媽口中知道左我已信了幾年
我好驚
竭力扮集中對住電腦 背向房門
佢越話越大聲 越鬧越近
果刻好軟弱 好驚一令轉 佢唔知會對我做咩
一令過去 佢個樣好狠 瞪到隻眼好大
好驚 佢情緒好極端 好害怕佢會亂黎
佢繼續罵 見佢行遠左 我即克去關門
佢限我三日內搬走 唉
之後斷斷續續佢係我門外罵 罵左一陣 佢返自己房 又出番黎又罵
關左門 驚既感覺冇左 個人空白一片 仍都冇乜感覺
我諗住 好似之前一樣 應該會冇事既
潔殷打黎 佢嘗試安慰我 不過.......效果一般
佢係咁幫我諗後路 又話去佢屋企 又叫我阿爸打比佢阿爸 之前佢阿爸噪過我阿爸
話我阿爸應該會驚佢
又講笑話星期日要出席約會
真係令我一片無奈 減輕左事件既痛楚
但好感謝潔殷之後彈詩歌比佢聽
心情先正式調整
阿媽用屋企電話搵我 叫我而家可以沖涼喇阿爸訓左
我出左去 見到阿媽 真係覺得好對唔住佢
我一個決定 令到阿媽變左好慘既磨心
阿媽試過幫我抖 話我信左都可能會裝香
點知阿爸做出好嚇人行為
我係果刻真正 軟弱了
我作錯了決定嗎?
祂何時替我扭轉
我見到一D無辜既人都牽涉 我好失望 好無助
沖涼 自己唱詩歌祈禱
平靜自己
我在禱告中許下承諾
希望主為這件事帶來改變
沖完再見阿媽 我突然諗 不如就以今次既事"賭"一鋪
同阿媽講左 如果三日後 阿爸冇強加追究 你就跟我番教會 認識下衣位守護住我既神
如果知道這事的弟兄姊妹 請求你地在這數天為我禱告
我好軟弱 無方向
請加強我信心 依靠上帝 渡過這事 改變父母
我仲諗緊明天星期六番唔番工
衣幾日留唔留死係屋 |
| |
